Viniti a Napizia

Sicilianu

English

c'era na vota

Napizia fu un centru miticu di apprennimentu funnata dî foceani in Magna Grecia. Li ngegneri ca studiavanu la scienza e la matematica a Napizia costrueru navi ca attravirsaru lu Mediterraneu e tempi ca si ponnu ancora visitari oggi.

Ntô corsu dû tempu, la cità cuntinuau a attirari li studiosi di tuttu lu munnu. Pichissu comu si camina pi li strati di Napizia oggi, si sentunu tanti lingui.

Li paisani ccà sannu parrari talianu e nglisi, ma prifirisciunu parrari napitinu, un dialettu calabbrisi dâ lingua siciliana ca reggistramu ntôn dizziunariu e ntôn tradutturi.

un invitu

Putiti traduciri frasi simplici di nglisi in sicilianu cû nostru Tradutturi Sicilianu. È ancora in fasi di sviluppu, ma vi duna un sensu dâ lingua.

Pi auminatari lu vostru vocabbulariu, putiti circari palori ntô Dizziunariu Dieli e seguiri li lijami ê paggini di Chiù dâ Palora ca annotanu li palori chiù cumuni cu grammatica ed esempi di puisia, pruverbi e prosa. E putiti circari palori in tutta la ricota cû strumentu Trova na Palora.

Spiramu ca vi piaci lu nostru prujettu. Si vuliti mettiriti in contattu cu nui, putiti mannari na posta elettronica a: eryk@napizia.com. Vi aspittamu a Napizia!

Pizzu Calabbru

Pizzu Calabbru

Ficimu li fotografii nta stu situ web a Pizzu Calabbru, lu postu attuali di l'Antica Napizia.

Spiramu ca li nostri foto riflettunu lu caluri e l'ospitalità dî napitini e la nostra ammirazioni dû sò rigugghiu civiccu. Li foto nta stu situ web sunnu beddi picchì amanu la sò cità.