Trova na Palora

avvucatu  {sust.}

puisìa:

• Pi la me lingua sugnu un avvucatu,
  ma cu li mura pozzu ragiunari
  picchì sta maliditta lingua 'nglisi
  è fatta di papocchi e mali 'ntisi.
  ("Malidittu la lingua!", Ancona)

camulutu  {agg.}

puisìa:

• Mentri arripezzu
  a tila camuluta
  chi tisseru li nostri avi
  cu lana di pecuri siciliani.
  ("Lingua e dialettu", Buttitta)

chiavi  {sust.}

puisìa:

• I chiavi da nostra lingua
  nun grapinu cchiù
  i catinazzi fatati.
  A doti chi nni lassò Fidiricu
  La persimu dintra miliuna di valiggi.
  ("I chiavi da nostra lingua", Puleo)

cumannari  {verbu}

puisìa:

• Ottucent'anni fa, Re Federicu
  fu chiddu chi 'nSicilia cumannava.
  Fu un Re Nurmannu, di li genti amicu,
  saggizza e 'ntiligenza 'un ci mancava.
  ("Re Federicu e la lingua siciliana", Provenzano)

dota  {sust.}

puisìa:

• I chiavi da nostra lingua
  nun grapinu cchiù
  i catinazzi fatati.
  A doti chi nni lassò Fidiricu
  La persimu dintra miliuna di valiggi.
  ("I chiavi da nostra lingua", Puleo)

manciari  {verbu}

puisìa:

• Diventa poviru e servu,
  quannu i paroli non figghianu paroli
  e si mancianu tra d'iddi.
  ("Lingua e dialettu", Buttitta)

nzignari  {verbu}

puisìa:

• S'un mi la 'nsignu sugnu ruvinatu,
  sta lingua 'nglisi c'un sacciu parrari.
  ("Malidittu la lingua!", Ancona)

pisci  {sust.}

puisìa:

• Li pinzera comu pisci
  natanu 'nto mari d'i ricordi.
  ("I chiavi da nostra lingua", Puleo)

pruvari  {verbu}

puisìa:

• Quantu malifiguri c'aiu pruvati,
  sparti di chiddi ca ancora a pruvari.
  ("Malidittu la lingua!", Ancona)

spìriri  {verbu}

puisìa:

• Si qualchi Sicilianu 'un n'è sicuru,
  cu sunnu e soccu scrissiru, 'un c'è scusa;
  Mannati ad Arba Sicula li spisi,
  vi li spiremu 'nsicilianu e 'nglisi.
  ("Re Federicu e la lingua siciliana", Provenzano)