Paggina dî Pueti

Sicilianu English

Lu scopu di sta paggina è di elencari li pueti citati in Chiù dâ Palora e di furniri infurmazioni biografichi basilari supra d'iddi, lijami a chiù infurmazioni e lijami ê sò versi cû strumentu Trova na Palora.

In pratica, chissu nun è sempri possibili. Quacchi vota l'unica informazioni disponibbili è lu nomu dû pueta. In tali casi, haiu elencatu lu nomu dû pueta ntâ sezioni "bisogna chiù infurmazioni" ô funnu di sta paggina assemi a na richiesta pi l'infurmazioni.

Pi na risorsa chiù cumprinsiva, talìa la ricota di puisìa siciliana di Arthur Dieli.

pueti citati

Orlando Accetta

  • Nu scritturi, pueta e giurnalista di Pizzu Calabbru, Orlando Accetta scrivi in italianu e in dialettu napitinu. Vincìu tanti premi pi la sò scrittura e la sò puisia virnaculari.
  • vidi puru:  Orlando Accetta – paggina web

Roberto Alagna

  • Un cantanti tenuri natu a na famigghia di immigranti siciliani in Francia, Roberto Alagna arranciau e ricitau tanti canzuni tradizionali ntô sò repertoriu.
  • vidi puru:  Roberto Alagna a Wikipedia

Vincenzo Ancona  (1915-2000)

  • Di Casteddmmari dû Gulfu, Vincenzu Ancona emigrau a Brooklyn, NY a l'età di 41 anni. La sò puisia raccunta l'espirienza di l'immigrazioni, spissu in manera divertenti.
  • Si pò leggiri la sò puisia in Malidittu La Lingua / Damned Language (1990) cu traduzzioni di G. Cipolla.
  • vidi puru:  Vincenzo Ancona di A. Dieli

Santi Bonaccorsi  (1914-1984)

  • Un giurnalista di Aci Catena, Santi Bonaccorsi si occupava di attività culturali duranti la sò vita e puru duranti li sò cincu anni comu priggiuneri di guerra. Lu sò libbru Vo' jucari ccu mia? Fu pubblicatu pocu doppu la sò morti inaspittata.
  • vidi puru:  Santi Bonaccorsi di A. Dieli

Gnazziu Buttitta  (1899-1997)

  • Di Bagheria, Gnazziu Buttitta fu unu dî pueti chiù influenti dû seculu 20-esimu. Scrivìu puisii pi ricitazzioni, pi canzuni e pi appujari la classi di travagghiaturi.
  • Ntâ sò puisia "Lingua e Dialettu" (1970), Buttitta emisi na chiamata appassiunata pi prisirvari la lingua siciliana.
  • vidi puru:  Gnazziu Buttitta di A. Dieli

Piero Carbone

  • Di jornu Piero Carbone nzigna ê scoli pubblichi di Palermu. Di notti esprimi la sò passioni pâ lingua siciliana in puisia, certuni di la quali hannu statu misi a musica e ricitati.
  • Si pò leggiri la sò puisia in The Poet Sings For All / Lu pueta canta pi tutti (2014) cu traduzzioni di G. Cipolla.
  • vidi puru:  Piero Carbone – blog pirsunali

Vito Conigliaro

  • Un pueta di Carini, Vito Coniguliaro è l'autori di Su veni(r) 'nta 'stu pizzuddu 'i terra... (2014).
  • vidi puru:  Vito Conigliaro – canali YouTube

Nino De Vita

  • La puisia di Nino di Vita prisenta la vita dâ genti ntô sò quarteri nativu, Cutusio di Marsala. Raccunta li stori dî sò viti, criannu narrativi in versa puetica.
  • Si pò leggiri la sò puisia in The Poetry of Nino De Vita (2014) cu traduzzioni di G. Cipolla.
  • vidi puru:  Nino De Vita a Wikipedia

Salvatore Di Marco

Lina La Mattina

  • La puisia di Lina La Mattina discrivi li suggetti di ogni jornu. Na nativa di Palermu, scrivi puru di la società siciliana. E scrissi un omaggiu sintimintali a Gnazziu Buttitta.
  • vidi puru:  Lina La Mattina di A. Dieli

Nino Martoglio  (1870-1921)

  • Un catanisi scritturi, edituri e produtturi tiatrali, Nino Martoglio pubblicau D'Artagnan, na rivista littiraria simanali di lingua siciliana, dû 1889 ô 1904. Chiù tardu, funnau na cumpagnia di tiatru cullabburannu cu Luigi Pirandellu. E dirigìu na para di film.
  • Si pò leggiri la sò puisia in The Poetry of Nino Martoglio (1993) cu traduzzioni di G. Cipolla.
  • vidi puru:  Nino Martoglio di A. Dieli

Giovanni Meli  (1740-1815)

  • Natu a Palermu, Giovanni Meli cuminciau la sò carrera comu medicu. Doppu ca si ni addunau dû valuri puiticu di la lingua siciliana, cuminciau a usarlu in tutti li sò opiri littirari, li quali lu ficiru unu dî chiù granni pueti siciliani.
  • Si pò leggiri la sò puisia in The Poetry of Giovanni Meli (2015) e Don Chisciotti and Sanciu Panza (2002) cu traduzzioni di G. Cipolla.
  • vidi puru:  Giovanni Meli di A. Dieli

Giuseppe Pitrè  (1841-1916)

  • Parrannu cu la populazioni umile ca curava, Giuseppe Pitrè, un medicu di Palermu, ricugghìu materiali pâ sò Biblioteca delle tradizioni popolari siciliane, na cullezioni di 25 volumi ca tratta lu folklori sicilianu.
  • Nota:  L'enumirazioni dî sò Canti popolari siciliani si differenzia tra li volumi pubblicati ntô 1871 e chiddi ripubblicati ntô 1891. L'enumirazioni usata ccà è chidda dî volumi ripubblicati ntô 1891.
  • vidi puru:  Giuseppe Pitrè a Wikipedia

Joseph F. Privitera  (1914-2007)

Antonino Provenzano

Carlo Puleo

  • N'artista e nu sculturi di Bagheria, Carlo Puleo scrissi diversi volumi di puisìi e prosa.
  • vidi puru:  Carlo Puleo di A. Dieli

Domenico Tempio  (1750-1821)

  • Un pueta di Catania, Domenico Tempio, era un pueta mpurtanti dû sò tempu. La sò puisia ristau populari a Catania e nteressi ntî sò opiri rinascìu ntâ secunna mità dû seculu 20-esimu.
  • Si pò leggiri la sò puisìa in Domenico Tempio: Poems and Fables (2010) cu traduzzioni di G. Summerfield.
  • vidi puru:  Domenico Tempio di A. Dieli

Antonio Veneziano  (1543-1593)

  • Ntô corsu dû 16-esimu seculu, la lingua taliana divintau la lingua scritta prifiruta in Sicilia, ma lu sicilianu ristau la lingua parrata dû populu. Antonio Veneziano disfidau sta tendenza e scrissi ntâ sò lingua nativa siciliana.
  • Si pò leggiri la sò puisìa in Ninety Love Octaves (2006) cu traduzzioni di G. Cipolla.
  • vidi puru:  Antonio Veneziano di A. Dieli

Maria Nivea Zagarella

  • Maria Nivea Zagarella nzignau lu latinu e talianu a na scola superiuri vicina â sò nativa Francofonte (SR). Scrivi puisia in sicilianu ca attira l'attinzioni dû litturi, ca parra di eventi currenti e ca discrivi li sò emozioni.
  • Si pò leggiri la sò puisìa in The Poetry of Maria Nivea Zagarella (2017) cu traduzzioni di G. Cipolla.
  • vidi puru:  Maria Nivea Zagarella di L. Bonaffini

bisogna chiù infurmazioni

Chiù dâ Palora cita li pueti di sutta, ma l'unica informazioni ca haiu supra di iddi è lu sò nomu. Si hai qualchi infurmazioni supra d'iddi, ti preju di mannarimi na posta elettronica a: eryk@napizia.com, accussì ca pozzu includirli nta la lista principali di supra.

Copyright © 2018-2024 Eryk Wdowiak